CAGAYAN DE ORO CITY – Gipahimangnuan ni PNP chief Gen Rommel Marbil ang mga pulis nga magmatngon sa kanunay sa ilang mga trabaho atubangan sa publiko.
Kini sa tinguha nga kalikayan nga makahimo’g mga kontrobersya nga makahatag sa dili maayong dungog ug panag-ignan atubangan sa katawhan.
Gihimo ni Marbil ang pasidaan atubangan sa tropa sa Police Regional Office 10 diin siya mihimo sa troop visit sa Camp Alagar ning syudad sa miaging semana.
Miingon ang heneral bisan sa grabeng mga pagsulay nga naagian sa PNP angayang magmalig-on ang kapolisan tungod kay pagserbisyo ug paghatag proteksyon sa publiko ang nag-unang mga tahas niini.
Hisayrang pinakaulahi nga kontrobersya nga gilambigitan sa PNP ang giingong illegal nga pagdakop kang kanhi Pres Rodrigo Duterte sulod sa NAIA ug gitugyan sa International Criminal Court sa Netherlands sa niadtong Marso 11 ning tuiga.
