CAGAYAN DE ORO CITY – Gigarantiya sa Police Regional Office 10 nga nahuptan nila ang mga pamatood nga adunay kalambigitan ang nag-absent without official leave o AWOL nga si Police Staff Sgt Armand Tagolimot alyas ArTags sa kamatayon ni Cogon Police Station commander Capt. Abdulcahar Armama sa Brgy Bulua ning syudad sa milabay’ng Oktobre 2024.
Kini subay sa giluwatang pahayag ni PRO-10 regional director Brig Gen Jaysen De Guzman kabahin sa pagkasikop ni Tagolimot.
Kini epekto sa gipatuman nga arrest warrant sa korte batok kaniya sa kasong pagsupak sa Comprehensive Dangerous Drugs Act of 2002 sa hideout niini sa Brgy Iponan sa miaging semana.
Miingon si De Guzman nga miagi sa case build up ang imbestigasyon sa kamatayon ni Armama diin milutaw ang pangalan ni Tagolimott nga kabahin sa gitudlong mga responsabli.
