CAGAYAN DE ORO CITY – Lauman nga adunay ipatuman si Police Regional Office 10 Director Brig Gen Rolindo Suguilon nga paglahugay sa senior police officers sulod sa Kampo Alagar ug bisan sa lower units sulod ning bulana.
Kini epekto sa iyang paglibot suroy sa mga tropa diin paagi sa pagsuta sa kalig-on sa puwersa ug sa mas epektibo nga pagmintinar sa kahusay’g kalinaw sa rehiyon.
Gibutyag ni PRO 10 spokesperson Major Joann Navarro nga inisyal nga nagsilbing deputy director for operations si Col. Aaron Mandia gikan sa pagsilbing chief regional staff.
Miingon si Navarro nga si Col. Lito Patay nga maoy naghulip kang Mandia ang gihimo usab nga deputy director for operations sa Police Regional Office-Negros Island Region.
Gumikan niini,lauman nga may mahitabo usab nga paglahugay sa lower units nga naglakip sa provincial ug city police directors nga kanhi gihimamat ni Suguilon sa iyang gihimong command visits.
