CAGAYAN DE ORO CITY – Gimando sa laing higayon sa Police Regional Office 10 ang ilang lower unit commanders nga e-siguro nga anaa sa ensakto nga pokus sa pagmaneho ug adunay road worthiness ang mga sakyanan iya sa PNP.
Kini human gika-alarma sa Camp Alagar ang sunod-sunod nga aksidente sa pipila sa ilang mga pulis nga nag-resulta sa kamatayon niini.
Maoy gitumbok ni PRO 10 spokeperson Police Maj. Joann Navarro ang motorcycle self-accident nga gilambigitan ni RMFB 10 assigned nga si Police Patrolman Larry Bugascao Jr,ulitawo nga taga-Libona,Bukidnon nga mibangga sa ‘center island’ sa JR Borja Extension,Brgy Gusa sa miaging kadlawon.
Dumduman nga sulod ning tuiga,natala ang ngilngig nga kamatayon sa 8 ka aktibong pulis ug usa ka police retiree sa duguong aksidente sa lungsod sa Naawan,Misamis Oriental sa miaging Pebrero ning tuiga.
