CAGAYAN DE ORO CITY – Gibinlan ni retired Police Regional Office 10 Director Brig Gen Ricardo Layug Jr sa disiplinado ug respetado nga mga pulis ang bag-ong milingkod nga top official sa Camp Alagar epektibo kagahapong adlawa.
Kini resulta sa iyang pagretiro na sa serbisyo sa pagka-pulis diin gihimo ang seremonya sa Kampo Alagar.
Maoy mipuli kaniya si Brig Gen Jaysen de Guzman kinsa susama usab kaniyang produkto sa Philippine National Police Academy o PNPA.
Siya miingon nga unta ipadayon sa mga pulis ang pagsuporta sa mga programa nga ipatuman sa bag-ong lingcod nga regional director sa PRO 10.
Sa panahon ni Layug,subli nakakuha’g highest public trust ug approval rating ang mga pulis sa Northern Mindanao pinasikad sa gihimong survey sa Mindanao Development Authority sa magkalahi nga kuwarter ning tuiga.
