CAGAYAN DE ORO CITY – Gilugwa ni Police Regional Office 10 Director Brig Gen Jaysen De Guzman ang pagpalig-onsa security operations partikular sa election areas of concern sa Northern Mindanao.
Kini nunot sa pagsugod na sa local campaign period sa mga kandidato sa adlaw’ng Biyernes sa rehiyon.
Gibutyag ni De Guzman nga gitahasan niya ang tanang unit commanders nga makig-koordinar sa tropa sa militar,Philippine Coast Guard ug ubang law enforcement agencies ingon man local govt units aron masunod ang tahas nga gisangon sa Commission on Elections.
Siya miingon nga mopakatag sila sa dugang puwersa sa mga lugar nga nagsilbing kritikal aron mamintinar ang kahusay’g kalinaw sa kampanya ug mismong adlaw sa piliay.
Hisayrang kabahin sa pang-alkontra batok kriminalidad ang hugot nga kampanya sa gun ban diin daghang mga personalidad na ang nadakpan palibot sa rehiyon.
