CAGAYAN DE ORO CITY – Gilayong gilusad sa Police Regional Office 10 ang ceremonial checkpoints sa pipila ka bahin sa Northern Mindanao kaganihang kadlawon.
Miingon si PRO 10 spokesperson Major Joann Navarro nga kuyog sa ilang paglusad sa road checkpoints ang kadagkuan sa Commission on Elections ingon man ang militar agi’g pagsunod sa kamanduan sa ilang kadagkuan gikan sa kauluhan.
Siya miingon nga mensahe niini nga alerto na ang puwersa sa estado batok sa bisan unsa nga bahad sa seguridad alayon sa piliay sa nasud.
Apan giklaro ni Navarro nga sa matag-lusad nila sa checkpoints, walay gitugutan nga bisan kinsa nga mohimo’g pisikal nga pag-rekisa sulod sa mga sakyanan kon walay pagtugot gikan sa korte.
