Gipahimangnoan sa kapulisan ang publiko nga likayan ang pag‑apil sa ilegal nga sugal ilabi na karong Semana Santa. Sumala ni PRO‑10 Regional Director PBGEN Christopher Abrahano, dili tugotan sa kapulisan ang bisan unsang matang sa ilegal nga gambling activities sama sa tupada o illegal sabong, bisan pa man nga tradisyonal na kining ginabuhat sa pipila ka katawhan.Dugang pa niya nga padayon ang ilang operasyon aron mapugngan ang pagpadayon sa maong ilegal nga kalihokan bisan pa sa mga selebrasyon ug okasyon sa komunidad. Gipasabot usab ni Abrahano nga ang balaod magpabilin nga ipatuman ug walay bisan kinsa nga mahimong gawasan niini, bisan pa sa kultura o naandan sa lugar.Sa katapusan, giingon ni Abrahano nga ang kooperasyon sa publiko maoy hinungdanon aron mapadayon ang kalinaw ug kahapsay sa komunidad karong panahon sa Semana Santa. (JAMES OLIVER)
