CAGAYAN DE ORO CITY – Gimando ni Police Regional Office 10 Director Brig Gen Jaysen De Guzman ang subsob nga imbestigasyon sa kamatayon sa tulo ka bagitong pulis sa dugu-ong aksidente sa Purok 2,Brgy Pigcarangan,Tubod,Lanao del Norte.
Kini human gikabangga sa gisakyang motorsiklo sa mga biktima ang trak hinungdan sa ilang kamatayon.
Giila ni PRO 10 spokesperson Major Joann Navarro ang mga namatay nga sila Corporals Samanodin Mamarinta Panganting,legal ang edad,minyo-taga Brgy Pened,Poona Piagapo;Juderay Sabate Rubillar,29 anyos,minyo nga residente sa Purok 1,Brgy Abaga, Lala ug Frederick Denn Morales Espra,33 anyos,minyo nga molopyo sa Brgy Taguictic,Kapatagan sa maong probinsya.
Siya miingon nga apil usab ipaubos sa imbestigasyon ang pipila ka opisyal sa Lanao del Norte Police Provincial Office kung nganong anaa pa sa kadalanan ang maong mga biktima.
Detinado na usab ang truck driver nga si Jonre Rosie Banuelos,34 anyos,minyo nga taga-Purok 4,Brgy Guba,Clarin,Misamis Occidental gumikan sa hitabo kagahapon sa kadlawon.
