CAGAYAN DE ORO CITY – Ikanaug sa Police Regional Office 10 ang ilang dugang puwersa aron mohatag kalig-on sa seguridad nga ipatuman sa kapistahan sa Black Nazarene sa syudad sa adlaw’ng Huwebes.
Kini gawas sa naka-standby nang tropa sa Cagayan de Oro City Police Office o COCPO kuyog ang force multipliers nga makatutok sa kalihukan ning semanaha.
Miingon si COCPO spokesperson Lt Col. Evan Viñas nga dako’g tabang ang ihatag nga augmentation force sa Camp Alagar aron masiguro ang kahusay’g kalinaw sa kapistahan.
Una nang gipasalig sa COCPO nga andam na sila paghatag seguridad sa pangilin sa Nazareno particular ang prosesyon diin dagsa ang libuang mga deboto.
