CAGAYAN DE ORO CITY – Pakatagan sa Police Regional Office 10 sa mil- 500 ka pulis ang mga tumbok nga lugar diin gilauman dunay posibleng panagtapok atol sa laing State of the Nation Address o SONA ni Pres Bongbong Marcos sunod semana.
Kini ang gibutyag ni PRO 10 spokesperson Maj Joann Navarro dungan sa pagsulti nga andam na ang paghatag seguridad sa maong kalihukan.
Miingon si Navarro nga anaa ang ilang hugot nga koordinasyon sa friendly govt forces nga naglakip sa 4ID,Philippine Army sa pagsiguro nga walay kasamok atol sa SONA ni Marcos.
Dili usab pugngan apan hatagan hinoo’g seguridad sa mga otoridad kon dunay mga grupo nga magkatigom aron atbangan ang tinuig nga state report sa presidente.
