CAGAYAN DE ORO CITY – Makatutok ang Police Regional Office 10 sa tanang kalihukan nga may kalabutan sa nagkaduol nga piliay sa Northern Mindanao sa Mayo 12 ning tuiga.
Miingon si PRO 10 spokesperson Major Joann Navarro nga kini ang rason nga gilusad ang Regional Election Monitoring Action Center (REMAC) aron sundon ang sistema nga matala ang tanang hitabo nga konektado sa piliay padulong sa Kampo Krame.
Siya miingon nga paagi kini aron mas sihag ang katikaran sa mga kalihukan nga makit-an sa katawhan ug mamantala nga buhis-kinabuhi ang kapolisan sa paghatag seguridad alang sa piliay.
Dugang ni Navarro nga anaa sa 99 ka action centers ang gipa-aktibo diin idumala sa provincial,municipal ug city police office.
Hisayrang dungan gilusad ang pag-activate sa action centers nga nanukad sa Kampo Krame diin nakabase ang PNP headquarters padulong sa mga probinsya kagahapong adlawa
