CAGAYAN DE ORO CITY – Nag-shift na sa security focus ang Police Regional Office 10 alayon sa nagsingabot nga kapaskuhan nga pinakataas nga aktibidad sa katawhan sa nasud.
Kini human ang sobra ka malinawon nga paghatag seguridad sa security personnel sa pagsaulog sa adlaw sa mga santos ug kalag sa rehiyon sa miaging semana.
Gibutyag ni PRO 10 Director Brig Gen Jaysen De Guzman nga gihinaut niya nga susama nga kainit sa suporta ug pakighiusa ang mohatag sa katawhan alang sa holiday season.
Siya miingon nga nakahan-ay na usab ang gabayan sa ipatuman nga seguridad alayon niini.
Tipik sa mga programa sa heneral ang pagpakatag sa nagkadaiyang checkpoints ilabina sa bandang gabii kay siya nagtoo dako’g tabang sa pagsanta batok sa mga dautang grupo mosabwag kagubot sa rehiyon.
Hisayrang usa sa mga bantayunon pagsulod sa Disyembre ang anibersaryo sa Communist Party of the Philippines sa Disyembre 26.
