CAGAYAN DE ORO CITY – Nagpabiling walay bisan unsa nga dagkong hitabo ang Northern Mindanao sa pagsaulog sa holiday season ning tuiga.
Kini human nila gipatuman ang hugot nga seguridad aron luwas nga makasaulog ang katawhan ilabina sa pagsugat sa bag-ong tuig.
Miingon si Police Regional Office 10 spokesperson Major Joann Navarro nga subay kini sa feedback gikan sa ilang tactical and operation division nga maoy nagdawat sa mga impormasyon sa lima ka probinsya ug duha ka dagkong syudad sa rehiyon.
Apan wala sila’y ihatag nga kumpiyansa aron dili makalugar ang mga dautang pundok nga posibleng dunay dautang tinguha sa kahusay’g kalinaw sa Amihang Mindanao.
Hisayrang libo ka pulis ang gikatag sa PRO 10 alang sa pagbaton sa hapsay nga pagsugat sa bag-ong tuig.
