Gipasalig sa Police Regional Office 10 (PRO-10) nga magpabiling hapsay ug siguro ang pagpahigayon sa 30th Vice Mayors’ League National Convention sa Cagayan de Oro hangtod sa pagtapos niini karong Biyernes, Nobyembre 13.
Gipasabot ni PRO-10 Spokesperson Police Major Joan Navarro nga ang presensya sa kapulisan sa kadalanan ug mga venue kabahin lamang sa ilang standard operating procedure alang sa mga dagkong kalihokan, busa dili kini angay ikabahala sa publiko.
Nanawagan usab ang buhatan sa katawhan nga ipakita ang pagka-hospitable sa mga Amihanang Mindanaoan ug ang pagkabulawanon sa paghinigalaay sa dakbayan aron magbilin og maayong imahe sa mga bisitang opisyal.
Tungod niini, gibarugan sa buhatan nga ang maong kombensyon usa ka oportunidad aron ipasigarbo ang kalinaw ug kadako sa seguridad sa dakbayan ug sa rehiyon.
