CAGAYAN DE ORO CITY – Nahuptan gihapon sa Police Regional Office 10 ang taas nga pagsalig sa katawhan kabahin sa nahatag niini nga mga serbisyo partikular sa seguridad batok kreminalidad sa Northern Mindanao.
Kini human isaysay ni NEDA 10 Public Relations Division chief Dr. Adrian Tamayo nga anaa sa 93 percent trust rating ang nakuha sa kapolisan gikan sa publiko ning tuiga.
Apan miingon si PRO 10 Director Brig Gen Jaysen de Guzman nga dili sila angay magkampante kay limitado lang ang puwersa sa kapolisan batok sa posibleng mga hadla sa kahusay’g kalinaw sa rehiyon.
Hisayrang sa miaging tulo ka kuwarter,nagbaton gihapon sa positibong grado o porsiento ang pamulis sa rehiyon.
