Gipasalig sa buhatan sa Police Regional Office 10 nga nagpabiling nakaalerto ang ilang mga sakop aron masiguro ang kalinaw ug kahapsay sa palibot karong adlawa ilabi na sa posibilidad nga adunay grupo nga mag-organisa og rally isip kabahin sa White Ribbon March sa kaulohan.
Sumala ni PRO-10 spokesperson PMAJ Joann Navarro, bisan pa man sa walay mga taho bahin sa mga grupo nga mohimo og kalihokan sa rehiyon, aduna silay igong pwersa nga andam ipakatap aron sa pagmonitor sa bisan unsang sitwasyon.
Dugang pa niya, kini isip respeto sa katungod sa mga tawo sa pagpadayag sa ilang sentimento, busa andam silang ipatuman usab ang maximum tolerance sa bahin sa kapulisan.
Dugang pa sa buhatan dili nila tugtan nga adunay mga grupo o indibidwal nga makamugna og kasamok o paglapas sa balaod sa ilang mga aktibidad.
