CAGAYAN DE ORO CITY – Gimanduan ni Police Regional Office (PRO)-10 Reg Dir Pol. Brig. Gen Timoteo Pacleb ang tanang station commanders sa matag police station sa tibook rehiyon nga mag-alerto ug magbinantayon ning panahon sa Semana Santa ug Summer Vacation.
Sa pakighinabi sa Bombo Radyo, gibutyag ni PRO-10 spokesperson PLTC Surki Serenias nga sutaon ni Pacleb kung adunay gibutang nga mga Police Assistance Desk, Police Assitance Hub ug Police Assistance Center sa mga simbahan, resort ug uban pang mga pampublikong lugar.
Gimando usab ni Pacleb ang 24 oras nga checkpoint aron maseguro ang seguridad sa publiko batok sa mga mosabotahe sa Oplan SumVac ug Oplan Semana Santa.
