CAGAYAN DE ORO CITY – Sukwahi sa pagtoo sa mga residente gikan sa Luzon ug Visayas,gipamatud-an sa Northern Mindanao sa laing higayon nga kini sobra ka malinawon ug layo sa kagubot.
Kini ang resulta sa una ug ikaduhang quarter nga survey nga gilusad sa Mindanao Devt Authority kabahin sa rehiyon sulod ning tuiga.
Miingon si Dr Adrian Tamayo,chief of public relations sa Mindanao Devt Authority nga sobra 5-milyon ka residente sa rehiyon nga ilang gipaubos sa survey,anaa sa halos 95 porsieto ang naghatag sa ilang satisfaction rating alnag sa kapolisan sa rehiyon.
Gawas niini,nakuha usab sa kapolisan ang 93.34 percent nga security rating gikan sa maong respondents.Dugtong niini,high morale ang PRO -10 kabahin sa gilugwa nga survey results sa MinDA ning tuiga.
Miingon si PRO 10 spokesperson Major Joann Navarro nga maghatag kini kanila sa dugang kadasig aron ipalig-on pa ang mga programa nga nag-sentro sa kahusay ug kalinaw sa rehiyon.
Siya miingon nga bisan sa mga kontrobersya nga giatubang sa PNP apan pabiling naminintar sa PRO 10 ang mga tahas ug mga programa niini rason nga nakuha ang taas nga pagsalig gikan sa katawhan.
Hisayrang bag-uhay lang gitawag nga ang PNP labing dakong crime organized group sa kanhi destinong pulis sa rehiyon nga si Lt Col Jovie Espenido.
