CAGAYAN DE ORO CITY – Namugos ang Police Regional Office 10 nga dugay nang nabungkag ang notoryos Parojinog robbery group nga utok sa mga dinagkong pagpanulis sa pipila ka bahin sa nasud nga naglakip dinhi sa syudad.K
ini ang ang katin-awan ni PRO – 10 spokesperson Major Joann Navarro kabahin sa gisulti sa Cebu City PNP nga nakahimo na usab sa laing mga pagpanulis ang maong grupo sa duha ka jewelry stores sa Visayas sa miaging semana.
Miingon si Navarro nga mohimo sila sa koordinasyon sa PNP-7 aron sutaon kon tinud-anay nga upat sa mga nanulis sakop sa Ozamiz based robbery gang.
Subay sa profiling sa PRO -10,duha na lang ka robbery gangs ang naglihok sa Northern Mindanao nga nakabase sa Bukidnon ug Misamis Occidental apan dugay na usab kining dili aktibo sa paghimo’g mga kremin.
