CAGAYAN DE ORO CITY – Wala dapigi sa Philippine National Police o PNP si interim Cagayan de Oro Water District General Manager Fermin Jarales.
Kini ang tubag ni Police Regional Office 10 Director Brig Gen Jaysen De Guzman sa pasangil nga bayas sila kay wala dakpa si Jarales taliwala sa pasangil nga maoy miguba sa pultahan sa COWD hinungdan nga nagka-komosyon niadtong Miyerkules sa buntag.
Miingon si De Guzman nga paspas nagresponde si Cagayan de Oro City Police Office o COCPO Director Col.Salvador Radam aron kalikayan ang posibleng dili maayong panghitabo sa duha ka panig.
Gibutyag sa heneral nga milampos si Radam kay nakumbinser niya si Jarales nga mo-distansiya una tungod sa mando sa korte nga dili ipadayon ang iyang tahas sa COWD taliwala nga sinugo usab kini ni Pres Bongbong Marcos pinaagi sa resolution nga gilugwa sa Local Water Utilities Administration o LWUA.
Siya miingon nga kanunay niya gipasidaan sa mga sakop niini nga likayan pagsilbing partisan apan protektahan ang dignidad sa PNP isip patas nga motagad kang bisan kinsa nga mangayo’g tabang.
Hisayrang miingon si Radam nga kung intresado ang magkabanging panig,angay moduso sila sa regular filing sa kaso sa piskalya ning syudad.
