CAGAYAN DE ORO CITY – Pursigido ang Police Regional Office 10 pagbungkag sa hingpit sa mga tawo nga dakong utok sa pagpalusot sa mga inismagol nga mga sigarilyo dinhi sa rehiyon.
Kini human nagsunod-sunod ang pagkaharang sa minilyong mga kantidad sa sigarilyo sa pipila ka lungsod sa Bukidnon ug Lanao del Norte ning semanaha.
Miingon si PRO 10 Director Brig Gen Jaysen De Guzman nga nag-unang rason nga gibutang siya ni PNP chief Gen Rommel Marbil sa Northern Mindanao ang pagpalig-on sa anti-smuggling operations nga dugay nang naglihok sa rehiyon.
Siya miingon nga daghan sa mga agalon sa mga dinakpan ang sekreto nang miduol kanila sa Kampo Alagar alang sa pag-areglo apan pulos daw niya kini gipang-balibaran.
Hisayrang sulod ning semanaha lamang,sobra 20 milyones pesos nga kantidad sa mga pekeng sigarilyo ang nabawii sa kapolisan pinaagi sa overlapping checkpoints nga aktibong gipatuman sa PNP dungann sa gun ban implementations.
