CAGAYAN DE ORO CITY – Sulbaron sa Police Regional Office 10 pinaagi sa liderato ni COCPO City Director Col. Salvador Radam ang kamatayon ni late Cogon Police Station commander Capt Abdulcahar Armama nga gipusil-patay sa Brgy Bulua sa syudad sa miaging mga bulan.
Kini ang pagpasabot ni PRO 10 Director Brig Gen Jaysen de Guzman nunot sa pag-ubos sa security rating sa syudad atol sa satisfaction rating survey sa Mindanao Devt Authority ning tuiga.
Namahayag si De Guzman nga wala nila hunungi ang pagsulbad sa nahitabo kang Armama kinsa gipusil-patay sa suspected hired killers sa milabay’ng bulan sa Oktobre ning tuiga.
Hisayrang naigo sa ulo ang biktima gamit ang kalibre 45 nga armas sa mga suspek hinungdan sa kamatayon niini.
