CAGAYAN DE ORO CITY – Naglikay pagkomento si Police Regional Office Director Brig Gen Rolando Anduyan sa katudluan ni Pres Rodrigo Duterte kang DILG Sec Eduardo Año aron panguluhan una ang PNP.
Kini samtang naglisod pa si Duterte pagpili kon kinsa ang iyang itudlo nga director general nga hulip sa nag-resign nga si PNP chief Dir Gen Oscar Albayalde tungod sa shabu recycling issue.
Miingon si Anduyan nga katungod ni Duterte ang pagtudlo kon kinsa ang iyang ibutang samtang nangita pa’g angayan mangulo sa PNP.
Dismayado si Duterte sa iskandalo sa PNP hinungdang nalangan ang paghulip kang Albayalde.
