CAGAYAN DE ORO CITY – Walay foul play ug ang pagkalumos sa gibuga sa aso gikan sa water pump machine ang rason sa kamatayon sa upat ka treasure hunters sulod sa langob sa Sitio Tinago,Brgy Cabandiangan,Kadingilan,Bukidnon.
Gibutyag ni Police Maj. Joann Navarro,tigpamaba sa Police Regional Office 10 nga wala na’y laing gitumbok ang mga personahe sa Bureau of Fire Protection nga tipik sa mihaw-as sa mga patay’ng lawas niini.
Una nang giila ang mga biktima nga sila Rudy Sumalpong;Maximine Diaz;Bobby Gonzaga ug Ivan Gallardo nga pulos nagmuyo sa maong probinsya.
Hisayrang gisulod sa mga biktima ang langob kay giingong manguha’g bulan apan nahilo sa mismong aso sa ilang gigamit nga water pump sa Marso 10 sa kagabii.
