CAGAYAN DE ORO CITY – Pabiling naka-isa ang full alert status sa kapolisan bisan kon generally peaceful ang pag-obserbar sa semana santa ug bisan sa pagsaulog Domingo sa pagkabanhaw sa rehiyon sa miaging semana.
Miingon si Police Regional Office 10 spokesperson Police Maj. Joann Navarro nga tuyo niini nga mintinar ang kahusay’g kalinaw samtang ubos pa ang nasud sa summer vacation.
Gibutyag ni Navarro nga sa pag-obserbar sa semana santa,walay mga dagkong hitabo nga nakapatugaw sa seguridad gawas lang pagkamatay sa akusado sa kasong murder kay giingong nakigpinusilay sa kapolisan sa Brgy Nazareth sa miaging Biyernes Santo.
Natala usab sa CDRRMD ug PDRRMO ang magkalahi nga pagkalumos sa besperas ug mismong Easter Sunday.
Gipang-ila ang mga biktima nga sila Jerson Flores nga-Balongis,Brgy Balulang kinsa hubog nga naligo sa suba ug padayong missing hangtod sa pagkutlo ning balita.
Samtang patay nakit-an ang usa ka Joseph Limbatao nga taga-Kibanog river,Brgy Aposkahoy,Claveria,Misamis Oriental.
Pagsasay sa kapolisan nga buntag pa lang hubog si Flores ug sa pagkahapon naligo diin nagsakay-sakay sa ‘balane’ apan kalit nalumos ug wala na makatunga.
Samtang si Limbatao ang gitumbok sa iyang kapikas nga dunay deprensiya sa pangutok ug gakahadlok na’g mga tawo rason nga milakaw kini’g bespiras sa easter sunday sa gabii apan nakit-ang nalumos-patay na sa Kibanog river.
