CAGAYAN DE ORO CITY – Pangunayan ni Police Regional Office 10 Director Brig Gen Jeysen De Guzman ang pag-inspeksyon sa ilang mga tropa nga gikatag sa nagkadaiyang menteryo sa pagsaulog sa adlaw sa mga santos sa Northern Mindanao karong adlawa.
Kini sa pagsiguro nga gisunod sa lower units ang security implementation strategy nga gitahas sa Kampo Alagar alang sa paghatag seguridad sa katawhan nga modalikyat sa sobra 200 ka menteryo sa rehiyon.
Miingon si De Guzman nga partikular nga susihon niya ang kahimtang sa katawhang nangduaw diha sa city memorial park sa Sitio Bolonseri,Brgy Camaman-an ning syudad.
Anaa sa halos 4-mil ka security personnel ang gipakatag sa kapin 200 ka menteryo ingon man sa govt vital installations sa rehiyon.
Hisayrang nakaisa sa hightened alert status ang PRO 10 tungod sa maong kalihukan.
