CAGAYAN DE ORO CITY – Gihinaut sa Police Regional Office 10 nga kakuha-an sa pagtulun-an sa mga ginikanan ang subo nga gidangatan sa magsoong dos ug kuwatro anyos nga nakalas gumikan sa pagpad-lock sa inahan sa pultahan sa ilang puy-anan kay nangita’g panginabuhian sa Purok Rubia,Brgy Población,Sinacaban,Misamis Occidental.
Kini human bisan si PRO 10 spokesperson Major Joann Navarro kinsa usa usab ka inahan ang kabahin sa emosyonal dihang nakit-an ang nag-viral ang video sa pagka-rekober sa mga biktima nga naggakos pa sulod sa nasunog nga balay.
Miingon si Navarro nga angay batasunon sa ginikanan nga pangitaan sa magbantay ang gagmay’ng bata kay dili pa sila makasabot sa mga panghitabo sa palibot.
Gihangyo niini ang publiko nga likayan na nga basulon pa ang inahan kay dili usab niya gusto nga mahurot sa pagkamatay ang iyang mga anak.
Napugos pagkandado ang ginikanan sa pultahan sa balay kay nanarbaho sila sa bukid apan maoy nakaabot kanila nga balita nga naapil sa pagkasunog ang magsoon.
Tungod usab sa ilang kapit-os, gihaya lang sa waiting shed ang mga bata hangtod nga kini ihatod sa katapusang pahulayan ning semanaha.
