CAGAYAN DE ORO CITY – Naghinobra na ang kaandam sa Police Regional Office 10 kuyog ang kasundaluhan kung sulod ning adlawa himoon ang botasyon sa katawhan sa May 12 elections sa Northern Mindanao region.
Kini maoy pasalig sa Kampo Alagar diin nakabase ang PRO 10 nunot sa katapusang panagtagbo sa Commission on Elections 10 kuyog ang ubang deputy govt agencies aron masiguro ang paglusad sa piliay sunod bulan.
Miingon si PRO 10 spokesperson Major Joann Navarro nga adunay nahitabo nga kausaban sa area of concern categories nga mga lugar nga ilang naduso sa Comelec alang sa pinal nga security deployment.
Apan bisan niini,gipaniguro ni PRO 10 Director Brig Gen Jaysen De Guzman nga kalampusan ug hapsay nga eleksyon ang ilang ihatag sa katawhan ug dili ang kapakyasan.
Hisayrang giandam usab nila ang usa ka PNP team nga gamiton isip board of election inspectors sa lugar diin nagbalibad na ang mga magtutudlo gumikan sa seryosong bahad sa seguridad.
