Positibo ang inisyal nga assessment sa kapulisan sa ilang Oplan SUMVAC alang sa summer vacation season karong tuiga.
Sumala ni PRO-10 Spokesperson PMaj Joan Navarro, nagsugod ang kampanya niadtong Abril 1 ug molungtad hangtod sa katapusan sa Mayo, diin gipakatap na ang mga pulis sa nagkadaiyang tourist destinations sa rehiyon dyes ug uban pang lugar nga daghang tawo magtapok.
Giingon niya nga gilakipan kini sa mga security measures aron maseguro ang kalinaw ug kahapsay sa bakasyon sa publiko.
Dugang pa niya, adunay dugang nga mga patrol car ug pasilidad nga gi-turn over sa nagkadaiyang probinsya ug syudad sa rehiyon aron mapalig-on ang police visibility ug mapaspas ang responde sa rehiyon.
Padayon karon ang ilang pagpangandam ug pagmonitor sa tanang lugar nga posibleng adtoan sa mga bakasyunista.
