CAGAYAN DE ORO CITY – Prioridad nga gitutukan sa Police Regional Office 10 ang pipila ka kandidato nga adunay seryosong hadla sa ilang kinabuhi mismo sa mga adlaw sa kampanya sa May 12 elections.
Kini human dili gusto ni PRO 10 Director Brig Gen Jaysen De Guzman nga masundan pa ang pag-ambush patay sa election officer sa lungsod sa Nunungan,Lanao del Norte sa miaging Enero ning tuiga.
Miingon si PRO 10 spokesperson Major Joann Navarro nga gilugwa ni De Guzman ang mando sa lower units nunot sa laing election officer ug kapikas niini nga gi-ambush patay gihapon didto sa Maguindanao del Sur ning semanaha lamang.
Hisayrang naka-taas alerto ang kapolisan nunot sa pagsugod na sa kampanya sa local candidates sa lima ka probinsya dinhi sa rehiyon.
