CAGAYAN DE ORO CITY – Dili na daw gusto ni Police Regional Office 10 Director Brig Gen Jaysen De Guzman nga magpadayon pa ang tanang criminal ug illegal activities nga naglihok sa Northern Mindanao.
Miingon si PRO 10 spokesperson Major Joann Navarro nga kini ang rason nga walay hunong ang regionwide nga pagpatuman sa overlapping road checkpoints batok sa kriminalidad.
Siya miingon nga pinaagi sa maong lakang nga magsumikad mismo sa Kampo Alagar, mapadali ang pagsumpo sa pagpalusot sa mga kontrabando kay maharang sa mga nag-atang nga mga pulis sa kadalanan ilabina sa matag-gabii.
Tipik sa pasiunang mga resulta ang pagka-rekober sa gikawat nga sakyanan ning syudad nga naharang pag-abot sa Libertad,Misamis Oriental ug ang mga inismagol nga mga sigarilyo sa Bukidnon ug Lanao del Norte.
