CAGAYAN DE ORO CITY – Gimanduan ni Police Regional Police 10 Director Brig Gen Rolando Anduyan ang tanang mga pulis nga sugdan na ang balanse nga diet sa ilang tagsa-tagsa ka mga panglawas dinhi sa rehiyon.
Kini human angkona ni Anduyan nga anaa sa 50-50 ang porsiento sa PRO-10 nga nagbaton sa mga pulis nga sobra nga mga tambok ug ngil-ad tan-awon kon makit-an sa publiko.
Gihimo sa heneral ang mando dungan sa palisya ni PNP chief Dir Gen Archie Gamboa nga angayang magbaton sa himsog nga panglawas ang mga pulis aron paspas maka-responde sa oras sa emerhensiya.
Giangkon ni Anduyan nga bisan siya ang angay mokab-ot sa ensaktong timbang aron ehemplo sa iyang mga kaubang pulis sa rehiyon.
Nanganti ang heneral nga may epekto sa ilang mga kaubang pulis ang pakyas nga paghupot sa balanse nga kahimtang sa panglawas.
Hisayrang gimando ni Gamboa nga dili isaka ang mga ranggo sa mga pulis kon magpabilin ang ilang sobra ka tambok sa panglawas.
