CAGAYAN DE ORO CITY – All set na ang seguridad nga ipatuman sa mga otoridad alang sa mga kalihukan alayon sa pagtamod sa semana santa dinhi sa rehiyon.
Kini ang gibutyag ni Police Regional Office 10 spokesperson Police Maj Joann Navarro kabahin sa taliabot nga kalihukan.
Miingon si Navarro nga gitakda usab sila mohimo sa sunod-sunod nga panagtagbo alang sa pagsiguro nga mahatagan sa igong seguridad ang simbahan,pilgrimage sites ug ubang mga lugar nga anaa ang pagtapok sa mga tawo.
Kini naglakip sa bus terminals,pantalan ug tugpahanan palibot sa rehiyon.Hisayrang tipik sa sagad dagsaon sa mga deboto ang bukid sa Malasag sa Brgy Gusa, Our Lady of Guadalupe Shrine sa boundary sa Barangay Tablon ug Brgy Balubal;Sipaka Heights sa Talisayan;Divine Mercy Shrine sa El Salvador City;Christ the King Shrine sa Gingoog City ug uban pang lokasyon sa Misamis Oriental.
Apil usab ang walay palta nga pagtabok sa mga deboto alang sa tinuig nga Panaad sa probinsya sa Camiguin ug bisan sa ubang bahin sa Bukidnon,Lanao del Norte ug Misamis Occidental.
