CAGAYAN DE ORO CITY – Gikalipay sa kapolisan ang kamanduan ni Pres Rodrigo Duterte nga ipaundang ang tanang operasyon sa Philippine Charity Statistics Office o PCSO sa tibook nasud.
Miingon si Police Regional Office o PRO-10 Director Police Brig Gen Rafael Santiago Jr nga daw naibtan sila’g tunok sa closure order ni Duterte sa PCSO gambling operations.
Siya miingon nga tungod sa maong kamanduan, dili na maapil ang kapolisan sa mga away sa mga negosyante nga agents sa lotto ug Small Town Lottery o STL outlets sa PCSO.
Hisayran nga kanunay gabatikoson sa publiko ang mga pulis tungod kay dili nila mapahunong ang illegal gambling games nga karibal sa PCSO.
Dumduman nga anaa sa mil-900 ka outlets ang gisirad-an subay sa mando ni Duterte dinhi sa rehiyon.
