CAGAYAN DE ORO CITY – Gipahimangnuan sa laing higayon ni Police Regional Office o PRO 10 Director Brig Gen Jaysen De Guzman ang ilang mga pulis nga dili mangahas nga magpaka-bayas ngadto sa pipila ka politiko nga hayan mangayo kanila’g suporta sa taliabot piliay.
Kini sa tuyo nga kalikayan ang mga maakusahan nga adunay gidapigan ang kapolisan nga mga kandidato nga dakong kasukapan sa balaod.
Miingon ang heneral nga angayang patas sa kanunay ang paghatag nila sa serbisyo kay pulos adunay katungod ang mga kandidato nga mangayo sa ilang proteksyon ilabina sa mga lugar nga peligro ang ilang seguridad.
Sa sobra gatos sa ilang mga pulis ang gipang-ibot una sa kasamtangang mga tahas aron ibalhin sa laing mga lugar adunay ilang mga paryente nga nalambigit sa May 12 elections.
Hisayrang gitakdang mopakatag ang Kampo Alagar sa libuang mga pulis kuyog ang ubang govt security friendly forces sa mismong semana sa piliay.
