Giila sa kapulisan nga usa ka dakong leksyon alang sa tanang ahensya ang nahitabong in-campus shooting incident sa usa ka tunghaan sa Tacloban City, diin nagpakita kini sa pagkapakyas sa mga otoridad lakip na sa komunidad sa pagproteher sa mga kabatan-onan.
Nunot niini, gipasalig ni PRO-10 Spokesperson PMAJ Joann Navarro nga himoon nila kining basehan sa mas komprehensibong imbestigasyon aron masuta ang hinungdan ug dili na ma-utro ang maong klase sa kapintasan sa bisan sa nga tunghaan.
Gipasabot usab sa opisyal nga dako kini nga leksyon alang sa tanan aron masabtan ang tagsa-tagsa ka papel ug responsibilidad sa pagseguro sa kaluwasan sa mga estudyante sulod sa eskwelahan.
Samtang nagpadayon ang imbestigasyon, gisusi usab sa mga otoridad ang mga alegasyon kalabot sa posibleng impluwensya sa internet nga miresulta sa maong bayolenteng lihok sa mga menor de edad.
Busa nanawagan ang mga otoridad og mas hugot nga kolaborasyon tali sa komunidad ug kapulisan aron dili na mausab ang susamang trahedya nga naglambigit sa mga bata.
