CAGAYAN DE ORO CITY – Gihatagan sa taas nga pagsaludo sa ikanapulo nang higayon sa senior officials sa Philippine National Police o PNP ang 44 ka sakop sa Special Action Force o SAF nga nagbuhis-kinabuhi mabugto lang ang pagsabwag terorismo sa gikaintabang Malaysian bomber nga si Zulkifli Abdhir alyas Marwan sa Mamasapano,Maguindanao del Sur.
Kini alayon sa pagdumdom sa National Day of Remembrance ng PNP-SAF commandos nga wala igsapayan nga mahunusa’g kinabuhi sa maong sensitibong operasyon nga mapatay lang si Marwan nga utok sa bombing incidents sa Asya ug urban bomb explosion sa pipila ka bahin sa Mindanao.
Gihimo ni Police Regional Office 10 acting director for administration Police Col Joselito Clarito ang mensahe isip paghatag-bili ug paglab-as ang malampuson nga misyon sa SAF troopers batok kang Marwan sa Camp Vicente Alagar takdo sa ikanapulo ka tuig ning adlawa.
Gibutyag ni Clarito nga maoy mibasa sa mensahe ni PRO 10 regional director Brig Gen Jaysen De Guzman nga taliwala nawad-an ang PNP sa 44 ka elite commandos apan nasakmit usab sa nasud ang kalinaw tungod sa kamatayon sa maong terorista.
Sa maong 44 ka SAF troopes nga namatay sa mga kaabin ni Marwan sa lugar,apil sila Corporals Godofredo Cabanlet, Chum Agabon ingon man Romeo Senin II nga naggikan sa Lanao del Norte ug Iligan City.
Dumduman nga adlawon sa Enero 25, 2015 nasudlan sa SAF commandos ang hideout ni Marwan diin siya napatay apan naglisod sila’g palayo sa lugar kay sayo nangmata ang armadong grupo nga giapilan sa Moro Islamic Liberation Front combantants rason nga nagka-engkuwentro nga nag-resulta sa kamatayon sa 44 ang namatay.
Hisayrang nabulit sa pagbatikos ang nasudnong gobierno sa maong hitabo kay wala makalihok ang tropa sa gobierno aron luwason ug tabangan ang PNP-SAF troopers nga nalukong sa mga kaaway kay gilikayan nga subli mahugno ang final peace deal tali sa MILF.
