CAGAYAN DE ORO CITY – Nag-isa sa taas nga alerto ang Police Regional Office 10 alang sa pagsiguro nga magbaton sa malinawon,hapsasy ug luwas nga mga kalihukan may kalabutan sa Labor Day celebration sa Northern Mindanao ning adlawa.
Miingon si PRO 10 spokesperson Major Joann Navarro nga subay sa nuyunan sa ilang command group nga gipanguluhan ni Police Brig Gen Jaysen De Guzman nga anaa sa 3-mil 340 ka pulis ang nagkatag sa rehiyon gumikan sa ika-123 ka tuig nga selebrasyon sa adlaw sa mga mamumuong Pilipinhon.
Siya miingon nga migamit sila sa tanan nila nga rekurso pagsiguro nga mahatagan lang sa hugot nga seguridad ang tibuok adlaw nga aktibidad.
Mihimo usab sila sa koordinasyon sa nagkadaiyang local govt units ug uban mga grupo aron mahiusa ang ipatuman nga seguridad nga pananglitan adunay mga demonstrasyon sa mga aktibista.
Hisayrang nangayo usab sa kooperasyon ang PRO 10 sa katawhan aron walay kahigayunan ang mga tawo nga adunay mga dautang tinguha sa kahupsay’g kalinaw sa sa rehiyon.
