CAGAYAN DE ORO CITY – Walay himoon nga pagpaubos sa taas nga seguridad nga gipatuman sa Police Regional Office 10 taliwala nga wala makapanghasi ang CPP-NPA ug ubang local terror groups nga nagtinguha isabotahe ang kahusay’g kalinaw sa Northern Mindanao.
Gitumbok ni PRO 10 regional director Brig Gen Jaysen De Guzman ang ‘zero crime related incidents’ nga nakab-ot sa rehiyon dihang gi-obserbar sa katawhan ang semana santa.
Miingon si De Guzman nga wala kini nagpasabot nga kung malinawon napahigayon ang tinuig nga relihiyosong kalihukan,mohatag na usab sila’g kompiyansa alang sa seguridad sa publiko sa govt vital installations sa rehiyon.
Hisayrang giisa sa Kampo Alagar ang heightened alert status sa rehiyon sa maong kasaulugan aron masiguro nga luwas ang mga kalihukan partikular ang pagdagsa sobra gatos-miel ka mga deboto sa nagkadaiyang pilgrimages sites sa rehiyon ning tuiga.
