Target sa Police Regional Office-10 ang ZERO STRAY BULLET incidence sa Northern Mindanao sa pagsaulog sa Pasko ug pagsugat sa Bag-ong Tuig.
Sa press conference nga gilusad sa PRO-10, mipasidaan si Regional Director Police Brigadier General Christopher Abrahano sa tanan uniformed, ug non-uniformed personnel, ubos sa iyang hurisdiksyon nga mangunay kini’g kaso sa tanan masupakon sa lagda batok indescriminate firing.
Ubos sa Revised Penal Code, ang “Indiscriminate Discharge of Firearms” mahimong musangpot sa administrative ug criminal case nga ipahamtang sa masupakon nga pulis. Lakip sa atubangong silot niini ang suspensyon o pagtangtang sa serbisyo.
Mahinumduman nga sa tibook Pilipinas, niadtong 2024-2025 holiday season ang Philippine National Police (PNP) mirehistro sa 15 ka kaso sa indiscriminate firing, kundiin 10 ang nadakpan, lakip ang usa ka pulis.
Dinhi sa Northern Mindanao ang PRO-10 mitala sa 2 ka kaso sa illegal firearm discharge nga nahitabo sa Disyembre 23 hangtod Disyembre 31, 2024. Wala pay gi-anunsyo sa PNP -Crame sa nozzle taping sa mga armas sa kapulisan
