CAGAYAN DE ORO CITY – Kab-uton sa Police Regional Office 10 kuyog ang ubang deputized govt agencies ang zero election related incidents sa nagkaduol nga piliay dinhi sa rehiyon.
Kini ang tubag ni PRO 10 Director Brig Gen Jaysen De Guzman sa hagit sa Comelec 10 alayon sa pagsiguro nga luwas makabotar ang mga botante sa mismong adlaw sa paghukom ngadto sa mga kandidato.
Miingon si De Guzman nga nahimo na kini sa milabay’ng May 2022 elections nga ubos ang election related incidents.
Kini ang rason nga gusto usab nila nga sundan pa kini aron magbaton sa hapsay ang piliay ang Northern Mindanao ning tuiga.
