CAGAYAN DE ORO CITY – Gipasalig ni Police Regional Office-10 Reg Dir Brig Gen Rolando Anduyan nga walay laraw ang kapolisan sa tibook rehiyon nga destabilization plot batok sa Duterte administration.
Gibutyag ni Anduyan nga naka-linya ang mga pulis sa Northern Mindanao sa tanang mga programa ug plano ni Pres Rodrigo Duterte alang sa kaayohan sa nasud.
Siya miingon nga natagbaw sila sa performance ug marching order sa presidente. Sa matag kasaulugan sa EDSA People Revolution I anniversary, gapanggawas ang mga report may kalabutan sa coup d’ etat batok sa gobierno.
Samtang gipamugos ni 4th ID,Philippine Army commander Major General Franco Nemesio Gacal nga walay bug-at nga rason aron ipatuman ang destabilization plot batok sa Duterte administration ning kasaulugan sa EDSA People Power Revolution I.
Miingon si Gacal nga sama sa kapulisan, very satisfied sila sa performance ni Pres Rodrigo Duterte.
Gani, gibutyag niini nga maoy ilang pokus ang implementasyon sa Executive Order No. 70 o “whole-of-nation approach” aron makab-ot ang tinooray nga kalinaw sa nasud.
Asoy niini nga maoy ilang paningkamutan nga mahatod ug mapaabot ang serbisyo sa gobyerno ngadto sa mga lumad imbis hisgutan ang mga negatibo nga nahitabo sa nasud.
