CAGAYAN DE ORO CITY – Gikumpirmar sa Police Regional Office o PRO-10 nga all systems go na sila kuyog ang militar paghatag seguridad sa mga magtutudlo nga gitahasan sa Commission on Elections o Comelec nga mosilbi sa adlaw sa piliay sa rehiyon.
Gibutyag ni PRO 10 spokesperson Police Lt Col Surkie Serenias nga partikular nga hatagan nila’g igong seguridad ang mga probinsya nga dunay political intense rivalry nga naglakip sa Lanao del Norte ug pipila ka lungsod sa Misamis Oriental ug Misamis Occidental.
Dugang ni Serenias nga gitahasan ni PRO-10 regional director Police Brig Gen Timoteo Pacleb ang provincial commanders nga hugtan ang pagbantay sa vote counting machines ug uban pang mga election paraphernalia.
Gipasalig usab sa electric power cooperative sa tibook rehiyon nga walay mahitabong brownout atol sa piliay.
