CAGAYAN DE ORO CITY – Gi-lower down na’g balik sa Police Regional Office 10 ang ilang gipatuman nga seguridad nga gitumong alang sa mga arsobispong Katoliko nga milambigit sa 128th plenary assembly sa Catholic Bishops Conference of the Philippines (CBCP) sa syudad sa Cagayan de Oro.
Kini human nakabalik na sa kauluhan sila Vatican’s Secretary of States Archbishop Paul Gallagher ug Papal Nuncio of the Philippines Archbishop Charles Brown nga pulos representasyon ni Pope Francis nga unang nakigduyog sa CBCP officials sa holy retreat sa Transfiguracion Abbey sa Malaybalay City,Bukidnon ug plenary assembly dinhi sa syudad.
Miingon si PRO 10 spokesperson Police Maj Joann Navarro nga sukad nag-abot ang top Catholic officials sa rehiyon,gihatagan usab sila sa hugot nga seguridad alang sa ilang luwas nga mga kalihukan.
‘Terminated na ang security coverage sa Police Regional Office 10 nga gihatag sa CBCP bishops nga nagduaw sa rehiyon.Nakabiya na ang Vatican dignitaries nga gipadala ni Pope Francis nga mitambong sa plenary assembly.Apan gihulat nila ang final report sa security assessment kabahin sa kalihukan.’
Namahayag si Navarro nga walay bisan usa ka hitabo nga nakahatag disturbo sa mga aktibidad sa CBCP bishops.
Siya miingon nga tungod sa hapsay ug walay kagubot nga kalihukan, nasukod sa PRO 10 nga kaya sa rehiyon nga maka-abi abi sa mga mas dagko pang mga kalihukan sa umaabot panahon.
Hisayrang kini ang unang higayon nga gidala sa CBCP ang ilang plenary session sa Mindanao partikular sa Cagayan de Oro kay tubag sa hagit ni Pope Francis nga dili angay kanunay sa ilang komportableng kahimtang ang mga arsobispo.
