CAGAYAN DE ORO CITY – Gibarugan sa Police Regional Office 10 kuyog ang Cagayan de Oro City Police Office ug BJMP-10 nga walay presensiya sa illegal drugs transactions sulod sa Lumbia City Jail ning syudad.
Katin-awan kini PRO-10 spokesperson Capt Frank Sabud nunot sa pagka-alarma sa regional intelligence division o R2 sa Camp Alagar sa impormasyon nga nahuptan sa Bombo Radyo nga dunay paghitak sa illegal drugs distribution sulod sa pasilidad.
Miingon si Sabud nga sama sa katin-awan sa BJMP-10,wala sila’y nakit-an nga basehan sa gisulti sa pipila ka mga dinakpan.
Kini mahintungod sa drug pushers nga may drug lord nga nag-kontrol sa pagpalusot sa shabu sa syudad gamit ang piniriso ug kanhi binilanggo sa city jail.
