CAGAYAN DE ORO CITY – Gihinaut sa Police Regional Office 10 nga mahuptan ang kahusay’g kalinaw mismo sa adlaw sa piliay ug paghuman niini sa Mayo ning tuiga.
Gihimo ni PRO 10 spokesperson Major Joann Navarro ang mensahe nunot sa unang adlaw sa local candidates campaign diin walay bisan unsa nga kagubot nga natala sa rehiyon.
Miingon si Navarro nga na-monitor nila nga daghan sa kalungsuran sa Northern Mindanao ang mihimo sa political proclamation rallies aron ihanyag ang mga kandidato alang sa May 12 elections.
Siya miingon nga tinuyo nga naka-isa ang heightened alert stauts sa rehiyon gumikan sa paghatag sa proteksyon sa mga kalihukan nga adunay koneksyon sa piliay.
Hisayrang kadungan sa hugot nga monitoring sa mga otoridad ang gilusad usab sa Commission on Elections nga oplan baklas batok sa tanang mga campaign material nga wala sa ensaktong butangangan.
