CAGAYAN DE ORO CITY – Wala matagbaw si Police Regional Office o PRO-10 regional director Brig Gen Rolando Anduyan sa pagka-dakpi sa giingong suspek pagpatay kang RTA enforcer Mark Langam IV diha sa Brgy Puerto sa syudad.
Kini tungod kay gusto ni Anduyan nga ilhon ang pinaka-utok nga mihimo sa pagpapatay kang Langam samtang mihimo’g road clearing operation sa miaging semana.
Namahayag ang heneral nga kulang pa ang nahimo sa kapolisan rason nga gusto niini makakuha’g dugang ebedensiya magduot sa suspek nga si John Mark Virtudazo,24 anyos,minyo nga taga-Tagoloan ning lalawigan.
Nanganti usab si Anduyan nga dili pa luwas sa posibleng pag-relib sa katungdanan ang pipila ka pulis nga makit-ang nagpasagad sa ilang trabaho hinungdan nahitabo ang kremin.
