CAGAYAN DE ORO CITY – Gusto ni PRO-10 regional director Brigadier General Rolando Anduyan nga dalion pagsulbad sa task force ang kaso nga pag-ambush kang Lumbaca-Unayan,Lanao del Sur Mayor Somerado Guro sa Zone 2,Brgy Iponan ning syudad.
Kini human dili gusto ni Anduyan nga makahatag sa dakong negatibong imahen ang hitabo sa malinawon nga lugar sama dakbayan.
Miingon ang heneral nga dili niya pakatulgon si City Police Director Col Henry Dampal kinsa nangulo sa SITG-Guro hangtod nga dili masulbad ang kaso.
Una nang namatay ang kapikas ni Guro dihang nadamay sa hitabo sa mga suspek nga armado sa kalibre 45 nga armas samtang kalit kining gipamusil sakay sa ilang sakyanan sa miaging semana.
