CAGAYAN DE ORO CITY – Giangkon sa Police Regional Office o PRO 10 nga palpak ang security protocol sa pagresponde sa kapolisan sa grenade expolision sa Initao Community College sa Initao ning lalawigan.
Miingon si PRO 10 spokesperson Lt. Col. Mardi Hortillosa nga maoy lapses sa police nga wala ma-kontrol ang mga tawo niadtong tungura sa dihang nag-iniloga sa granada ang suspek nga si Ibrahim Basher ug mga pulis.
Apan depensa usab ni Hortillosa nga lisod sa nag-responde nga mga pulis ang pagkontrol kay duha lamang sila ni late Police Master Sgt Jason Magno ug Police Master Sgt Alice Balido nga nag-negosyar sa suspek nga armado sa granada.
Samtang hatagan sa dili mominus 600-mil pesos nga cash assistance gikan sa PNP-Camp Crame ang nabiyaan nga pamilya ni Magno.
Kini human nasayran ni PNP officer-in-charge Lt Gen Archie Gamboa ang talagsang pagsakripisyo ni Magno alang sa katawhan sa lalawigan.
Miingon si Hortillosa nga personal giduaw ni Brig Gen Rolando Anduyan ang haya ni Magno diin naghatag sa pasiuang cash assistance.
Han-ayan usab sa PRO-10 ang talagsaong pasidungog tungod sa pagka-bayani ni Magno.
